Рецензиялау процесі
1) Редактордың көмекшісі автор жіберген мақаланың рәсімдеу дұрыстығын тексереді.
2) Тексеруден кейін мақала бас редакторға жіберіледі, ол оны таңдалған секция редакторына бағыттайды немесе қабылдамайды.
3) Секция редакторы мақаланы таңдалған рецензенттерге жібереді. Рецензенттерден рецензиялар мен ұсыныстар алғаннан кейін, секция редакторы мақаланы қабылдау, қабылдамау немесе қайта өңдеуге жіберу туралы шешім қабылдайды.
4) Түзетілген мақала нұсқасын алғаннан кейін, секция редакторы оны қабылдайды немесе қайта рецензиялауға жібереді. Рецензиялау даулы мәселелер шешілгенше жалғасады, секция редакторы мен бас редактор бірлесіп мақалаға қатысты шешім қабылдайды.
5) Қабылданған мақала әдеби редакциялауға, беттеуге, автордың тексеруіне және соңғы басылымға жіберіледі.
Рецензиялау түрі – анонимді (авторлар өз жұмыстарын кім рецензиялайтынын білмейді).
Әрбір рецензент мақаланы келесі 6 критерий бойынша бағалайды және пікір білдіреді:
- жұмыстың өзектілігі мен маңыздылығы;
- ғылыми нәтижелердің сенімділігі мен қайталануы;
- мақаланың және жеке бөлімшелердің жазылу сапасы;
- ғылыми жаңалық;
- халықаралық этикалық нормаларға сәйкестігі;
- мақалаларға қойылатын техникалық талаптарға сәйкестігі.
Рецензиядан кейін келесі ұсыныстардың бірі беріледі:
- қабылдау;
- ұсақ кемшіліктерді жою;
- елеулі өзгерістер енгізу;
- қайта жіберу мүмкіндігімен қабылдамау;
- қабылдамау.
